Sa paulit-ulit na pagkakasala ng mga Israelita, bagkus may kabayaran ang bawat pagsuway nila, hindi pa din huminto ang Panginoon sa pagmamahal sa kanila.
Sa panahon natin ngayon, bawat araw, bawat taon, hindi mabilang ang ating pagkakasala, pagkukulang at pagkakamali, pero ang pagmamahal, katapatan at kabutihang loob ng Panginoon ay hindi natatapos, hindi nauubos at hindi nagbabago.
Hindi ko maintindihan na kahit ga’no karaming maling nagagawa ko sa araw-araw (sa salita, gawa at isip), bakit mahal pa din Niya ako?
Bakit mahal pa din Niya tayo?
Pero ang pagmamahal at kabutihang loob Niya hindi natin dapat gawing lisensya sa pagkakasala.
Sadya lamang na kay buti ng Diyos. Sa bawat pagkakataon.
Ngayong taon na ‘to, hindi naman talaga dahil sa lakas o galing natin kung bakit tayo’y nakatayo pa din.
Lahat ng mabubuti at magagandang bagay, relasyon at pangyayaring natatamasa natin ay resulta ng kabutihang loob Niya.
At ang pagmamahal at kabutihang loob Niya patuloy tayong babaguhin para magbigay ng karangalan sa Pangalan Niya.
Lahat ng ‘to ay dahil sa Kanya.
Lahat ng ‘to ay para sa Kanya.
Dianne Alvarez 